Plantun de Prouvènço

Pèr coumpara dos planto d'encò nostre

Oxalis acetosella & Gymnocarpium robertianum

Pan-de-cougiéu

Oxalis acetosella

Oxalidaceae

Àutri noum : Pan-de-couvènt, Pan-de-couguou, Pan-de-couènt, Crousadello, Pascalo.

Noms en français : Oseille des bois, Surelle.

Descripcioun :
Lou pan-de-cougiéu trachis en tapis dins li bos fres e umide de mountagno. Se recounèis à si fueio di tres fuioun en couor e à si pichòti flour clinado en campano blanco e veinado de roso. Flouris pèr Pasco (Pascalo).

Usanço :
Es uno planto manjadisso en ensalado o cuecho (soupo, oumeleto...). Douno un bon goust acide. Pamens faudrié pas trop n'en manja malodi l'acide óussali (graviho dins li ren). Lou pan-de-cougiéu se manjo en mountagno à la sourtido de l'ivèr pèr reviscoula lou cors. Èi couneigu peréu pèr sougna lis acamp de la bouco o dóu cors. Èi tambèn richo en vitamino C.

Port : Erbo
Taio : 3 à 12 cm
Fueio : coumpausado
Tipe bioulougico : Emicriptoufite
Cicle bioulougico : Planto renadivo

Gènre : Oxalis
Famiho : Oxalidaceae

Ordre : Oxalidales

Coulour de la flour : Blanco
Petalo : 5
Ø (o loungour) flour : 12 à 20 mm
Flourido : Printèms

Sòu : Si
Autour basso e auto : 0 à 2200 m
Aparado : Noun
Abriéu à jun

Liò : Bos fres - Bos umide
Estànci : Mountagnard à Subaupen
Couroulougi : Bourealo
Ref. sc. : Oxalis acetosella L., 1753

Regalisso-bastardo(-de-Roubert)

Gymnocarpium robertianum

Cystopteridaceae Woodsiaceae

Noms en français : Polypode de Robert, Polypode du calcaire.

Descripcioun :
Aquéu féuse trachis dins lis asclo de roucas e lis esboudèu cauquié de mountagno. Li foundo, un pau larjo, soun tres cop descoupado, verdo terno e un pau duro. Coumpara emé la regalisso-bastardo-de-la-siliço que ié sèmblo mai que s'atrovo sus sòu séusous.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Pichoto planto lignouso
Taio : 15 à 30 cm
Fueio : Foundo
Tipe bioulougico : Emicriptoufite
Cicle bioulougico : Planto renadivo

Gènre : Gymnocarpium
Famiho : Cystopteridaceae
Famiho classico : Woodsiaceae

Ordre : Polypodiales

Coulour de la flour : Ges de flour
Petalo : ges
Ø (o loungour) flour : Ges de flour
Flourido : Estiéu - Autouno

Sòu : Ca
Autour basso e auto : 200 à 2200 m
Aparado : Noun
Juliet à setèmbre

Liò : Roucas - Muraio - Esboudèu - Relarg umide
Estànci : Mountagnard à Subaupen
Couroulougi : Bourealo
Ref. sc. : Gymnocarpium robertianum (Hoffm.) Newman, 1851

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Oxalis acetosella & Gymnocarpium robertianum

ges

Coumpara Pan-de-cougiéu emé uno autro planto

Coumpara Regalisso-bastardo(-de-Roubert) emé uno autro planto